Цас ихээр орж замын халтиргаа гулгаа үүссэн энэ үед иргэн, аж ахуй нэгж, байгууллагуудад гадна орчны цас мөсний цэвэрлэгээг сайтар хийх үүрэг чиглэл өгсөны дагуу албан байгууллага, аж ахуйн нэгжүүд, дэлгүүр, үйлчилгээний газрууд гадна орчин тойрны 50 метр хүртэлх талбайн явган зам, автомашины замын мөсийг цэвэрлэж иргэд явганаар болон автомашинаар чөлөөтэй зорчих, бэртэж гэмтэхээс урьдчилан сэргийлэн аюулгүй орчныг бүрдүүлэхээр ажиллаж байна.
Бат-Өлзий сумын тохижилт, үйлчилгээний компани нь сумын төвийн засмал замд замын халтиргаа, гулгааг багасгах зорилгоор 2022 оны 11-р сарын 30, 12-р сарын 26-нд 2 удаа 1 тн давс цацаж цэвэрлэн, мөн өдөр бүр зам цэвэрлэгээ, үйлчилгээний 3 ажилтан явган хүний замын цас мөс, хог хаягдлыг цэвэрлэн ажиллаж байна.
Иргэдийн эрүүл мэнд, аюулгүй байдлын төлөө цас, мөс цэвэрлэх ажилд идэвхтэй оролцож байгаа нийт албан байгууллагууд, аж ахуйн нэгж, иргэдэд талархал илэрхийлье.
